स्वच्छता ही सेवा अभियान अंतर्गत कोल्हापूर जिल्हा परिषदेत ‘श्रमदानातून परिसर स्वच्छता मोहीम

स्वच्छता ही सेवा अभियान अंतर्गत कोल्हापूर जिल्हा परिषदेत ‘श्रमदानातून परिसर स्वच्छता मोहीम

कोल्हापूर: 24.09.2018

 

महात्मा गांधीजींच्या 150 वी जयंती निमित्त  दि. 15 सप्टेंबर, ते 2 ऑक्टोबर, 2018 या कालावधीमध्ये स्वच्छता हि सेवा अभियान राबविले जात आहे. या अभियान अंतर्गत कोल्हापूर जिल्हा परिषदेमध्ये कार्यालय परिसर स्वच्छता मोहिम राबविणेत आली. यामध्ये जिल्हा परिषदेच्या संपूर्ण परिसराची अधिकारी आणि कर्मचा-यांनी स्वच्छता केली. मा.अध्यक्ष, जिल्हा परिषद कोल्हापूर आणि मा. मुख्य कार्यकारी अधिकारी, जिल्हा परिषद कोल्हापूर यांचे मार्गदर्शनाखाली ही परिसर स्वच्छतेची मोहिम राबविणेत आली.

पाणी व स्वच्छता विभागामार्फत आयोजित या मोहिमेमध्ये श्रमदानासाठी सर्व खातेप्रमुख आपल्या विभागातील कर्मचा-यांसह उपस्थित होते. स्वच्छता श्रमदानासाठी  सर्व विभागांना जिल्हा परिषद, परिसराचे वाटप करण्यात आले होते. त्याप्रमाणे आज सकाळी ठिक 9.00 वाजता या स्वच्छता श्रमदानास सुरूवात

झाली.

स्वच्छता श्रमदानासाठी बांधकाम विभाग, जिल्हा परिषद, कोल्हापूर यांनी स्वच्छता साहित्याचा पुरवठा केला. या स्वच्छता श्रमदानातून 4 डंपर कचरा संकलित करण्यात आलेला आहे. तर या स्वच्छता श्रमदानासाठी सर्व विभागांचे 123 कर्मचारी उपस्थित होते.

या स्वच्छता श्रमदानासाठी उपस्थित सर्व अधिकारी आणि कर्मचारी यांचे मा. श्री.अमन मित्तल, मुख्य कार्यकारी अधिकारी, जि. प. कोल्हापूर यांनी अभिनंदन केले. तसेच यापुढे परिसर स्वच्छतेमध्ये सातत्य रहावे यासाठी दर मंगळवारी सकाळी 9.00 वा. याचं पध्दतीने परिसर स्वच्छतेसाठी श्रमदानासाठी उपस्थित राहणेबाबत सर्वांना सूचना दिल्या आहेत.

(प्रियदर्शिनी चं.मोरे)

उपमुख्य कार्यकारी अधिकारी, (पा. व स्व.)

जिल्हा परिषद, कोल्हापूर