admin

राजर्षी शाहू छत्रपती विद्यानिकेतन निवासी क्रीडा प्रशाला शिंगणापूर जिल्हा परिषद कोल्हापूर कंत्राटी मानधन पदावर  महिला पदासाठी मागविणेत आलेली  एम एस डब्लू पात्र अपात्र यादी

राजर्षी शाहू छत्रपती विद्यानिकेतन निवासी क्रीडा प्रशाला शिंगणापूर जिल्हा परिषद कोल्हापूर कंत्राटी मानधन पदावर  पुरुष वसतिगृह प्रमुख रेक्टर पात्र अपात्र  यादी

बालकांचा मोफत व सक्तीच्या शिक्षणाचा हक्क अधिनियम 2009 अन्वये राज्यातील सर्व विना अनुदानित, कायम विना अनुदानित व स्वयंअर्थसहाय्यता तत्त्वावरील प्राथमिक शाळांमध्ये पहिलीच्या वर्गाच्या एकूण विद्यार्थी संख्येपैकी 25 % पर्यंतच्या जागा नजीकच्या परिसरातील वंचित गटाच्या व दुर्बल घटकांतील बालकांच्या प्रवेशासाठी राखून ठेवणे व अशा बालकांना त्यांचे प्राथमिक शिक्षण पूर्ण होईपर्यंत मोफत व सक्तीचे शिक्षण पुरविणे बंधनकारक आहे. या अंतर्गत सन 2020-21 या शैक्षणिक वर्षामधील 25 % आरक्षण प्रवेश प्रक्रिया महाराष्ट्र शासनाच्या https:// student.maharashtra.gov.in या वेबसाईटवरील RTE Portal या लिंकवर ऑनलाईन पध्दतीने राबविणेत येत आहे.

सदर प्रवेश प्रक्रियेअंतर्गत दि. 12/02/2020 ते दि. 04/03/2020 या कालावधीत पालकांकडून ऑनलाईन प्रवेश अर्ज स्विकारणेत आले. यामध्ये कोल्हापूर जिल्हयातील 345 शाळांमधील 3486 जागांसाठी एकूण 2998 पालकांनी ऑनलाईन अर्ज केलेले आहेत. ज्या शाळांना 25 % आरक्षित क्षमतेपेक्षा जादा अर्ज आलेले आहेत. अशा राज्यातील सर्वच शाळांसाठी शिक्षण संचालनालय, पुणे कार्यालयाकडून राज्य स्तरावर दि. 17/03/2020 रोजी ऑनलाईन लॉटरी प्रक्रिया घेणेत येणार आहे. त्याद्वारे NIC सेंटर, पुणे यांचेकडून पहिल्या प्रवेश फेरीसाठी पात्र विद्यार्थ्यांची यादी, तसेच पुढील प्रवेश फे-यांसाठी प्रतिक्षा यादी निश्चित करून RTE पोर्टलवरील होमपेजवर अपलोड करणेत येणार आहे. प्रथम प्रवेश फेरीसाठी निवडलेल्या पालकांच्या मोबाईलवर शाळेच्या नावासह मेसेज दि. 19/03/2020 रोजी दुपारनंतर पाठविणेत येणार आहेत. मात्र पालकांनी मेसेजवर अवलंबून न राहता RTE पोर्टलवरील Application Wise Details अथवा SELECTED व WAITING LIST या टॅबवर जाऊन आपल्या फॉर्म नंबरद्वारे खात्री करावी. ज्यांचे नाव WAITING LIST मध्ये असेल अशा अर्जांसाठी प्रवेशाची पुढील फेरी काढण्यात येईल. ज्यांची निवड झालेली आहे, त्यांनी पोर्टलवर जाऊन आपला भरलेला फॉर्म USER ID व पासवर्ड टाकून ओपन करावा. त्यामध्ये ADMID CARD या TAB वर क्लिक करून त्याची प्रिंट काढावी. पालकांनी सदरची प्रिंट व प्रवेशासंबंधीची सर्व कागदपत्रे घेऊन शहरी भागासाठी महानगरपालिका व ग्रामीण भागासाठी संबंधित तालुक्याच्या पंचायत समितीतील शिक्षण विभागात जावयाचे आहे. तेथील शाळा पडताळणी समितीकडे आपले ADMIT CARD व प्रवेशासंबंधीची सर्व मूळ कागदपत्रे सादर करून तपासून प्रमाणित करून घ्यावयाची आहेत. पडताळणी समितीकडून प्रवेशपात्र विद्यार्थ्यांना RTE पोर्टलवर ऑनलाईन ADMIT करणेत येईल. विद्यार्थी प्रवेशपात्र असलेबाबत गटशिक्षणाधिकारी यांच्या स्वाक्षरीचे पत्रासह पालकांनी संबंधित शाळेत जाऊन पाल्याचा प्रवेश निश्चित करावयाचा आहे. पालकांनी शाळा पडताळणी समितीकडून कागदपत्रे न तपासता परस्पर शाळेत गेलेस पाल्यास प्रवेश दिला जाणार नाही. शाळांनीही पडताळणी समितीने शिफारस केलेखेरीज कोणत्याही विद्यार्थ्यास RTE च्या 25 % कोटयातून प्रवेश द्यावयाचा नाही. पडताळणी समितीने अपात्र ठरविलेल्या बालकांची निवड रद्द करणेत येईल.

सध्या नॉव्हेल कोरोना विषाणूचा प्रादुर्भाव लक्षात घेता पालकांनी एकाच वेळेस पडताळणी समितीकडे गर्दी करू नये. तसेच पडताळणी समित्यांनी देखील गर्दी होणार नाही या पध्दतीने RTE प्रवेशाच्या कामकाजाचे नियोजन करावे.

पहिल्या फेरीतील विद्यार्थी प्रवेशाचा कालावधी दि. 19/03/2020 रोजी निश्चित करणेत येईल व त्याची माहिती पडताळणी समितीकडून प्राप्त करून घेता येईल. सदर कालावधीत संबंधित पालकांनी शाळांमध्ये प्रवेश निश्चित न केल्यास त्यांना पुढील फे-यांमध्ये पुन्हा संधी दिली जाणार नाही. त्यामुळे पालकांनी शाळा प्रवेशाच्या बाबतीत दक्ष राहून विहीत मुदतीत शाळा पडताळणी समितीकडून कागदपत्रे तपासून शाळेमध्ये प्रवेश निश्चित करावा असे आवाहन शिक्षणाधिकारी (प्राथमिक) यांनी केलेले आहे.

(श्रीम. आशा उबाळे)

                                                                                शिक्षणाधिकारी (प्राथमिक)

                                                                                 जिल्हा परिषद, कोल्हापूर

यशवंत पंचायत राज अभियान सन 2018-19 अंतर्गत पंचायत राज संस्थाचे व्यवस्थापन व विकास कार्यात अत्युत्कृष्ठ काम करणा-या कोल्हापूर जिल्हा परिषदेस राज्यामध्ये व्दितीय क्रमांकाचे रुपये 20 लक्षचा पुरस्कार आज दिनांक 12-03-2020 रोजी यशवंतराव चव्हाण प्रतिष्ठान, मंत्रालय समोर, मुंबई येथे संपन्न झालेल्या कार्यक्रमामध्ये वितरीत करणेत आला.महाराष्ट्र राज्याचे मा. राज्यपाल श्री भगत सिंह कोश्यारी यांच्या शुभहस्ते, मा. ग्रामविकास मंत्री नाम. श्री हसनसो मुश्रीफ यांच्या अध्यक्षतेखाली, मा. ग्रामविकास राज्यमंत्री नाम. श्री अब्दुल सत्तार, मा.पर्यावरण राज्य मंत्री श्री.संजय बनसोडे, मा.ग्राम विकास विभागाचे अतिरीक्त मुख्य सचिव श्री.अरविंदकुमार यांचे विशेष उपस्थितीत सदर पुरस्कार वितरण करणेत आले जिल्हा परिषदेचे मा.अध्यक्ष श्री बजरंग पाटील, जि.प.उपाध्यक्ष मा. श्री सतिश पाटील, जि.प. बांधकाम व आरोग्य सभापती मा. श्री हंबीरराव पाटील, जि.प. शिक्षण व अर्थ सभापती मा. श्री प्रविण यादव, जि.प.समाजकल्याण सभापती मा. सौ स्वाती सासणे, जि.प. महिला व बालकल्याण सभापती मा.डॉ. पदमाराणी पाटील , माजी जि.प. अध्यक्ष मा. सौ शौमिका महाडिक, माजी जि.प. उपाध्यक्ष मा. श्री सर्जेराव पाटील, मा.श्री.युवराज पाटील गटनेते, मा.श्री.सुभाष सातपुते जिल्हा परिषद सदस्य तसेच सामान्य प्रशासन विभागाचे उपमुख्य कार्यकारी अधिकारी श्री रविकांत आडसुळ, ग्रामपंचायत विभागाचे उपमुख्य कार्यकारी अधिकारी श्री. राजेंद्र भालेराव यांनी जिल्हा परिषदेच्या वतीने पुरस्कार स्विकारला.

मा. नाम. श्री हसनसो मुश्रीफ, मंत्री ग्रामविकास यांनी पारितोषिक वितरण प्रसंगी “सर्व पदाधिकारी व अधिकारी यांनी ग्रामिण जनतेशी निगडीत सर्व विकासाची कामे तळागळापर्यंत पोहचवावीत” असे उद् गार काढले.सामान्य प्रशासन विभागाकडील प्रशासकिय कामकाज,सभा कामकाज,कर्मचारी सेवा, निलंबन, निवृत्ती वेतन प्रकरणे, लोकायुक्त प्रकरणे इ. महिला व बालकल्याण विभाग,आरोग्य विभाग,जिल्हा पाणी व स्वच्छता,जिग्रावियं,कृषि,बांधकाम,ग्रामीण पाणी पुरवठा, समाजकल्याण, वित्त,ग्रामपंचायत,पशुसंवर्धन व शिक्षण या सर्व विभागाकडील कामकाजाचे तपासणी व पडताळणी मध्ये कोल्हापूर जिल्हयाचे उत्कृष्ठ कामकाजाबाबत राज्यस्तरीय व्दितीय क्रमांकाचा पुरस्कार कोल्हापूर जिल्हा परिषदेस मिळाला आहे.तसेच जिल्हयातील गडहिंग्लज पंचायत समितीने विभागामध्ये व्दितीय क्रमांकाचे रु. 8 लक्षचा पुरस्कार पंचायत समितीचे मा. सभापती सौ रुपाली काबंळे, मा. उपसभापती श्रीम.श्रिया कोणकेरी, माजी सभापती श्री. विजयराव पाटील,माजी उपसभापती श्री. विद्याधर गुरबे, गट विकास अधिकारी मा. श्री शरद मगर व सहाय्यक गट विकास अधिकारी मा. आनंद गजगेश्वर यांनी पुरस्कार स्विकारला.
या कामी राज्याचे ग्रामविकास मंत्री मा. नाम. श्री हसनसो मुश्रीफ, गृह राज्यमंत्री तथा पालकमंत्री कोल्हापूर जिल्हा मा. नाम. श्री. सतेज उर्फ बंटी पाटील व आरोग्य व कुटूंब कल्याण राज्यमंत्री मा. नाम. श्री. राजेंद्र पाटील यड्रावकर यांचे सहकार्य लाभले असून त्यांनी सर्व पदाधिकारी, अधिकारी व कर्मचारी यांचे अभिनंदन करुन भावी कार्यास शुभेच्छा दिल्या. जिल्हा परिषद अध्यक्ष मा. श्री बजरंग पाटील व मुख्य कार्यकारी अधिकारी मा. श्री अमन मित्तल यांचे मार्गदर्शनाखाली सर्व विषय समिती मा. सभापती, तत्कालीन पदाधिकारी, जिल्हा परिषद सदस्य, सर्व जिल्हा परिषद खातेप्रमुख व अधिकारी- कर्मचारी यांच्या सर्वांच्या सहकार्याने जिल्हा परिषदेस हे यश प्राप्त झाले आहे असे मा. श्री.बजरंग पाटील अध्यक्ष,जिल्हा परिषद,कोल्हापूर यांनी सांगून याबददल सर्वांचे अभिनंदन केले आहे.
सही/-
(रविकांत आडसुळ)
उपमुख्य कार्यकारी अधिकारी(साप्र)
जिल्हा परिषद कोल्हापूर

रविवार दि. 16 फेब्रुवारी, 2020 रोजी महाराष्ट्र राज्य परीक्षा परिषदेमार्फत घेण्यात आलेल्या पूर्व उच्च प्राथमिक (इ. 5 वी) आणि पूर्व माध्यमिक शिष्यवृत्ती परीक्षा (इ. 8 वी) या परीक्षेची इयत्तानिहाय, पेपरनिहाय अंतरिम (तात्पुरती) उत्तरसुची परिषदेच्या www.mscepune.in व http://puppss.mscescholarshipexam.in या संकेतस्थळावर या परीक्षेचे परीक्षार्थी, मार्गदर्शक शिक्षक, पालक, शाळा आणि क्षेत्रीय अधिकारी यांच्या माहितीसाठी प्रसिध्द करण्यात येत आहे.

अंतरिम उत्तरसुचीवरील आक्षेप नोंदविण्याची कार्यपध्दती :-

• सदर अंतरिम उत्तरसुचीवर काही आक्षेप असल्यास त्याबाबतचे निवेदन परिषदेच्या संकेतस्थळावरून ऑनलाईन स्वरूपात करता येईल.
• सदर ऑनलाईन निवदेन पालकांकरीता संकेतस्थळावर व शाळांकरीता त्यांच्या लॉगीनमध्ये Objections omInterium Answer Key या हेडींगखाली उपलब्ध करून देण्यात आलेले आहे.
• त्रुटी / आक्षेपाबाबतचे ऑनलाईन निवेदन भरण्याकरीता दि. 04/03/2020 ते दि. 13/03/2020 रोजीपर्यंत मुदत देण्यात येत आहे.
• दि. 13/03/2020 नंतर त्रुटी / आक्षेपाबाबतचे निवेदन स्विकारले जाणार नाही.
• उपरोक्त ऑनलाईन निवेदनांशिवाय इतर कोणत्याही प्रकारे (टपाल, समक्ष अथवा ईमेलदवारे) प्राप्त त्रुटी / आक्षेपाबाबतच्या निवेदनांचा विचार केला जाणार नाही.
• उपरोक्तनुसार विहीत मुदतीत प्राप्त झालेल्या ऑनलाईन निवेदनांना वैयक्तिकरित्या उत्तर पाठविले जाणार नाही.
• विहीत मुदतीत प्राप्त झालेल्या ऑनलाईन निवेदनांवर संबंधित विषय तज्ञांचे अभिप्राय घेऊन अंतिम उत्तरसुची परिषदेच्या संकेतस्थळावर यथावकाश प्रसिध्द करण्यात येईल.

ऑनलाईन आवेदनपत्र व शाळा माहिती प्रपत्रातील माहितीत दुरूस्ती करणेकरीताची कार्यपध्दती :-

• विद्यार्थ्यांच्या ऑनलाईन आवेदनपत्रातील माहितीत व शाळा माहिती प्रपत्रात (विद्यार्थ्याचे नाव, आडनाव, वडीलांचे नाव, आईचे नाव, लिंग, शहरी / ग्रामीण, अभ्यासक्रम इ.) दुरूस्ती करण्यासाठी दि. 04/03/2020 ते 13/03/2020 रोजीपर्यंत शाळांच्या लॉगीनमध्ये ऑनलाईन अर्ज उपलब्ध करून देण्यात आलेला आहे.
• सदर अर्ज ऑनलाईन व्यतिरिक्त अन्य कोणत्याही पध्दतीने पाठविल्यास स्विकारले जाणार नाहीत. विहीत मुदतीनंतर प्राप्त झालेल्या अर्जांचा विचार केला जाणार नाही.

(श्रीम.आशाउबाळे)

                                                                शिक्षणाधिकारी(प्राथमिक)

                                                                                जिल्हापरिषद,कोल्हापूर

लेक माझी भाग्यश्री – महाराष्ट्र शासनाची सुधारीत योजना

कोल्हापुर च्या महिला बाल विकास विभागाच्या योजनांची प्रचार प्रसिद्धि

आर टी ई २५ % अंतर्गतऑनलाईन विद्यार्थी प्रवेश अर्ज स्विकारणेची प्रक्रिया सुरू

कंत्राटी 1 (महिला) कबड्डी प्रशिक्षक

राजर्षी शाहू छत्रपती विद्यानिकेतन व निवासी क्रीडा प्रशाला