मा अध्यक्षसो जि प यांचेकडून प्राप्त वृत्त प्रसिद्ध करणेबाबत

सर्वांना नमस्कार

मी कोल्हापूर जिल्हा परिषदेमध्ये दि. 21/03/2017 रोजी अध्यक्ष पदाचा कार्यभार स्विकारला त्याच दिवशी स्त्री भ्रूण हत्येविषयी परखड मत मांडलेले होते. स्त्री भ्रूण हत्येची मला अत्यंत चीड असून याबाबत मी कठोर कारवाई करणार आहे.म्हैशाळ जि.सांगली येथील घटनेपाठोपाठच नाशिक येथील शासकीय रूग्णालयामध्ये स्त्री भ्रूण हत्येचा प्रकार घडणे ही पूरोगामी महाराष्ट्रासाठी अत्यंत घृणास्पद घटना आहे. आजच्या युगात अशा प्रकारच्या घटना घडणे हे माझ्यासारख्या सुजाण नागरिकाला अत्यंत खेददायक आहे या प्रकाराचा मी अत्यंत तीव्र शब्दात निषेध व्यक्त करते. मी स्वत: जिल्हा परिषद अध्यक्ष या नात्याने या प्रकारच्या घटना कोल्हापूर जिल्हयामध्ये घडू नयेत यासाठी जिल्हा शल्यचिकित्सक, सी.पी.आर व जिल्हा आरोग्य अधिकारी, जिल्हा परिषद कोल्हापूर तसेच सर्व संबंधित आरोग्य विषयक घटकांना कडक सूचना देणार आहे.

आपल्या विश्वासू,

(सौ. शौमिका अमल महाडिक)

अध्यक्षा,

जिल्हा परिषद कोल्हापूर