जिल्ह्यातील ३ ग्राम पंचायतीना जिल्हा परिषद कोल्हापूर मार्फत  ई- कार्ट घंटागाडी

जिल्ह्यातील ३ ग्राम पंचायतीना जिल्हा परिषद कोल्हापूर मार्फत  ई- कार्ट घंटागाडी

(सामाजिक उत्तरदायित्व धोरणअंतर्गत रत्नाकर बँक लिमिटेड यांचेमार्फत स्वच्छता कार्यात योगदान  )

कोल्हापूर : दि. ५. ०२.२०१९

 

             सामाजिक उत्तरदायित्व धोरण अंतर्गत रत्नाकर बँक लिमिटेड  यांचेकडून प्राप्त निधीतून जिल्हा परिषद कोल्हापूर पाणी व स्वच्छता विभागा मार्फत जिल्ह्यातील ग्राम पंचायत दिंडनेर्ली, ग्राम पंचायत चिंचवाड ता. करवीर तसेच  ग्राम पंचायत जैन्याळ, ता. कागल या तीन ग्राम पंचायतींना कचरा संकलनासाठी प्रत्येकी एक ई कार्ट घंटागाडी उपलब्ध करून देण्यात आली .

     या ई कार्ट वाहनाचे आज ग्राम पंचायतीना वितरण  करण्यात आले . या कार्यक्रमासाठी मा. सौ . शौमिका महाडिक , अध्यक्ष जि  प. कोल्हापूर, मा. आमदार श्री. अमल महाडिक, मा. श्री सर्जेराव पाटील, उपाध्यक्ष, जि .प. कोल्हापूर, मा सौ संध्याराणी बेडगे, जि .प. सदस्य, मा. श्री. हेमंत कोलेकर,जि.प.सदस्य, मा श्री. शिवाजी मोरे,जि.प.सदस्य, मा. श्री बंडा  माने, जि.प.सदस्य, मा. सौ स्वरुपाराणी जाधव,जि .प. सदस्य, मा. सौ. राणी खमलेट्टी जि .प. सदस्य मा. श्री. आर पी. शिवदास, अतिरिक्त मुख्य कार्यकारी, मा. श्री. संजय राजमाने, मुख्य लेखा व वित्त अधिकारी, प्रियदर्शिनी मोरे, उपमुख्य कार्यकारी अधिकारी (पा . व स्व .), श्री . निशांत कांबळे, समाजशास्त्र तज्ञ्   तसेच सर्व खातेप्रमुख, रत्नाकर बँक लिमिटेड चे प्रतिनिधी व संबंधित ग्राम पंचायतींचे सरपंच, ग्राम पंचायत सदस्य तसेच ग्राम सेवक आणि ग्रामस्थ उपस्थित होते.

          मा. सौ . शौमिका महाडिक , अध्यक्ष जि  प. कोल्हापूर यांच्या प्रयत्नातून कचरा संकलनासाठी घंटागाडी  रत्नाकर बँक लिमिटेड यांचेकडून मिळाली आहे . यासाठी प्रति घंटागाडी   रु. २ लक्ष,४५ हजार असा एकूण ७ लक्ष, ३५ हजार इतका खर्च आला असून सदर  घंटागाडी हि चार्जेबल बॅटरीवर चालणारी असल्याने पर्यावरणपूरक आहे. तसेच या घंटागाडीला ओला कचरा व सुका कचरा स्वतंत्रपणे संकलित करण्याची व्यवस्था आहे . सदर घंटागाड्यांचे ग्राम पंचायतींना वितरण करून संबंधित ग्राम पंचायत कर्मचा  घंटागाडी चालविण्याचे तसेच देखभाल दुरुस्तीचे तज्ञाकडून प्रशिक्षण देण्यात आले आहे .