राष्ट्रसंत तुकडोजी महाराज व गौतम बुध्द यांची जयंती साजरी                                    

राष्ट्रसंत तुकडोजी महाराज व गौतम बुध्द यांची जयंती  जिल्हा परिषद, कोल्हापूर येथे दि. 30/04/2018 रोजी सकाळी 11 वाजता साजरी करणेत आली. त्या प्रसंगी  श्री.दत्तात्रय केळकर,अधीक्षक (सामान्य प्रशासन) व श्री. सुनिल यादव,वरिष्ठ सहाय्यक (प्राथमिक शिक्षण विभाग)  यांचे हस्ते फोटो पूजन करणेत आले. यावेळी श्री.संजय अवघडे,कक्ष अधिकारी, संतोष भोसले,अधीक्षक, संजय सोनवणे,आरोग्य सेवक, विजय टिपुगडे, जुबेर मोमीन,अमित कांबळे, वरिष्ठ सहाय्यक, मधुकर अंधारे कनिष्ठ सहाय्यक, रविंद्र बनकर,परिचर इत्यादी कर्मचारी व अधिकारी उपस्थित होते.

या प्रसंगी राष्ट्रसंत तुकडोजी महाराज व भगवान गौतम बुध्द यांचे जीवनपटाबाबत संपूर्ण माहिती श्री. बी.पी. माळवे यांनी सांगितली.

 

 

सही/-

उपमुख्य कार्यकारी अधिकारी (साप्रवि)

जिल्हा परिषद, कोल्हापूर

कोल्हापूर जिल्हा परिषदेच्या शाळा मध्ये वर्षभरात इंग्रजी व खासगी शाळांमधून १६८८ विद्यार्थीची वापसी

कोल्हापूर जिल्हा परिषदेच्या शाळा मध्ये वर्षभरात इंग्रजी व खासगी शाळांमधून १६८८ विद्यार्थीची  वापसी 

अति विशेष मिशन इंद्रधन्‌ुष्य मोहिम

केंद्रशासनाने  ग्राम स्वराज्य अभियान अंतर्गत माहे एप्रिल 2018 मध्ये राज्यातील 23 जिल्हयातील 192 गांवात    अति विशेष मिशन इंद्रधन्‌ुष्य मोहिम  कार्यक्रम हाती घेतला आहे. या मोहिमे अंतर्गत लसीकरणापासून पूर्णपणे वंचित राहिलेले किंवा अर्धवट लसीकरण झालेल्या बालकांचा शोध घेवून त्यांना लसीकरण करावयाचे आहे. कारण अर्धवट किंवा लसीकरण    झालेली बालके ही लवकर आजारी पडतात किंवा मृत्यू पावतात. बाल मृत्यू कमी करण्यासाठी लसीकरण हे प्रभावी साधन आहे. कोल्हापूर जिल्हयामध्ये  ही मोहिमेसाठी तिळवणी ता. हांतकणगले या गांवाची निवड करण्यात आलेली आहे.  मा. सौ. शौमिका महाडिक, अध्यक्षा, जिल्हा परिषद कोल्हापूर मा. डॉ. कुणाल खेमनार, मुख्य कार्यकारी अधिकारी, जि.प. कोल्हापूर यांच्या मागदर्शनाखाली नियोजन करण्यात आले आहे असे जिल्हा आरोग्य अधिकारी डॉ. उषादेवी कुंभार यांनी सांगितले.

दिनांक 11/4/2018 इ रोजी  ग्रामपंचायत तिळवणी येथे  निवासी उपजिल्हाधिकारी  मा श्री संजय शिंदे  यांचे अध्यक्षतेखाली विशेष ग्रामसभा घेणेत आली या सभेमध्ये जिल्हा स्तरावरील  तालुक्‌ा स्तरावरील  स्थानिक अधिकारी व नागरीक ग्रामपंचायत सदस्य सर्व उपस्थित  होते तसेच पंचायत समिती हातकणंगलेच्या सभापती मा सौ रेश्मा संनदी , तसेच सरपंच सौ चव्हाण मॅडम व जिल्हा परिषद कोल्हाूपर कडील उपमुख्यकार्यकारी अधिकारी  मा सुषमा देसाई  पाणी पुरवठा व स्वच्छता  तसेच जिल्हा परिषद कोल्हापूर आरोग्य विभागाकडील प्र.जिल्हा माता बाल संगोपन अधिकारी  मा डॉ श्री फारुक देसाई साो  मा डॉ सुहास कोरे, प्र.अतिरिक्त जिल्हा आरोग्य अधिकारी  व डॉ एम ए नकाते मॅडम  व प्राथमिक आरोग्य सांजणी कडील सर्व कर्मचारी व तिळवणी गांवातील कार्यरत आशा व अंगणवाडी सेविका उपस्थित होत्या .

सदर सभेमध्ये मा डॉ फारुक देसाई यांनी  अति विशेष मिशन इंद्रधन्‌ुंष्य मोहिम  विषयी माहिती दिली. दिनांक 11/4/2018  ते 30/4/2018 अखेर  प्राथमिक आरोग्य केद्र साजणी  च्या अंतर्गत येणा-या  तिळवणी गावामध्ये  राबविणेचे ठरले आहे असे सांगितले,  अति विशेष विशेष मिशन इंद्रधन्‌ुंष्य अभियान करणेत येणा-या नियोजन  व कृती विषयी सविस्तर माहिती दिली व ग्रामस्थानां सहकार्य करणेचे आवाहन केले.  दिनांक 11.4.2018 इ रोजी  गावामध्ये दंवडी देवून अति विशेष विशेष मिशन इंद्रधन्‌ुंष्य अभियान विषयी जनजागृती केली आहे  तसेच अति विशेष विशेष मिशन इंद्रधन्‌ुंष्य अभियान अंतर्गत दिनांक 12.4.2018 व दिनांक 13.4.2018 इ रोजी सदर गावामध्ये  5 आरोग्य पर्यवेक्षकाच्या निंयत्रंणा खाली आशा अंगणवाडी सेविका व आरोग्य  सेविका यांची टिम करून  गरोदर माता व 0 ते 2 वर्षे वयोगटातील बालकांची घर टु घर सर्व्हे करणे,   प्रत्येक घरांना   मिशन इंद्रधन्‌ुंष्यचे स्टिकर चिकटविण्यात आले आहे.   गावातील ज्या लाभार्थाना  लस मिळालेली नाही असे 03 लाभार्थी सर्व्हेक्षणामध्ये मिळाली आहेत. तसेच या मोहिमेत नियमित लसीकरण  लाभार्थी संख्या 17 असून एकुण 20 लाभार्थ्यांची अदयावत यादी करणेत आली.  दिनांक 18 .4.2018  ते  19.4.2018 या दोन दिवशी  गावामध्ये अति विशेष विशेष मिशन इंद्रधन्‌ुंष्य अभियानांची  मायकिंग व प्रसिध्दी करणेत आली  तसेच लाभार्थाना स्लिपाचेही वाटप करणेत आले आहे.  सर्व 20 लाभार्थाना मा  पालकमंत्री चंद्रकांत दादा पाटील  यांचे हस्ते मा मुख्यकार्यकारी अधिकारी  कुणाल खेमणार मा. संजय शिंदे, निवासी उपजिल्हाधिकारी, मा सौ पाटील  जि सदस्या मा सौ रेश्मा संनदी, सभापती, पं.स. हांतकणगंले  यांचे उपस्थितीत दिनांक 20.4.18 रोजी लसीकरणही करणेत आले.  सदर दिवशी सर्व मुलांचे लसीकरण झाले आहे. सदर अभियांनाचे मुल्यमापन देश पातळीवर राज्य पातळीवर होणार आहे

मा.श्री. अजित भोसले, एअर मार्शल (निवृत्त), सदस्य युपीएसी न्यू दिल्ली यांची राजर्षी शाहू छत्रपती विद्यानिकेतन व निवासी क्रीडा प्रशालेस भेट.

जिल्हा परिषद, कोल्हापूर अंतर्गत एक नाविन्यपूर्ण योजना म्हणून जून 2014 पासून  चालविल्या जाणा-या  राजर्षी शाहू छत्रपती विद्यानिकेतन व निवासी क्रीडा प्रशाला, शिंगणापूर या प्रशालेस मा. श्री. अजित भोसले, एअर मार्शल (निवृत्त), तथा सदस्य युपीएसी, न्यू दिल्ली यांनी आज दिनांक 20/04/2018  रोजी सदिच्छा भेट देऊन क्रीडा प्रशालेच्या कामकाजाचा आढावा घेतला. प्रथम क्रीडाप्रशालेचे प्रशासन अधिकारी व मुख्याध्यापक यांनी  मा. श्री. अजित भोसले यांचे पुष्पगुच्छ देऊन स्वागत केले.  त्यांनतर क्रीडा प्रशालेचा हेतू, प्रशालेचे स्वरुप, प्रशालेमार्फत राबविले जाणारे विविध उपक्रम, विद्यार्थ्यांना पुरविण्यात येणा-या सोई सुविधा तसेच खेळाडूंनी  राज्य व राष्ट्रीय स्थरावर केलेल्या कामगिरीचा आढावा याची सविस्तर माहिती  पीपीटी  व डॉक्यूमेंट्री व्दारे  सादर करणेत आली.

त्यानंतर मा. श्री. अजित भोसले यांनी क्रीडाप्रशालेतील आवारातील क्रिडांगण, वस्तीगृह, व्यायामशाळा, भोजनगृह, आभ्यासिका या ठिकाणी प्रत्यक्ष भेट देऊन पाहणी केली. जि.प. मार्फत सुरू केलेल्या हा अभिनव उपक्राम पाहून ते प्रभावित झाले. त्यानंतर क्रीडा प्रशालेकडील प्रशासन अधिकारी, मुख्याध्यापक, क्रीडा प्रशिक्षक  यांना मार्गदर्शन केले. जिल्हा परिषदेने राबविलेल्या या उपक्रमाबाबत जिल्हा परिषदेचे अध्यक्ष, उपाध्यक्ष, मुख्य कार्यकारी अधिकारी, पदाधिकारी, मु.ले.व वि.अ., शिक्षणाधिकारी  यांचे  कौतूक करुन शाळेची प्रगती अतिशय चांगली असून राबविलेल्या नाविण्यपूर्ण उपक्रमास शुभेच्छा दिल्या.

कोल्हापूर जिल्हयात मातामृत्यू व बालमृत्यू प्रमाणात घट

जिल्हा परिषद कोल्हापूर अंतर्गत जिल्हयातील माता व बाल मृत्यू प्रमाणे कमी करणेसाठी डॉ.कुणाल खेमनार मुख्य कार्यकारी अधिकारी जिल्हा परिषद कोल्हापूर यांच्या मार्गदर्शनाखाली जिल्हयामध्ये विविध उपाययोजना द्वारे माता व बाल मृत्यू प्रमाणा कमी करणेत यशस्वी वाटचाल.

दिनांक 17/04/2018 रोजी समिती सभागृह जि.प. कोल्हापूर येथे मा.मुख्य कार्यकारी अधिकारी डॉ.कुणाल खेमनार, जिल्हाशल्यचिकित्सक डॉ.एल.एस.पाटील, जिल्हा आरोग्य अधिकारी डॉ.यु.जी.कुभांर, बालरोग तज्ञ शासकिय वैद्यकिय महाविद्यालय डॉ.एस.एस.सरवदे, वैद्यकिय अधिक्षक क.बावडा सेवा रुग्णालय डॉ.बी.एस.थोरात, जिल्हा माता व बालसंगोपण अधिकारी डॉ.फारुख देसाई व डॉ.विलास देशमुख बाहयसंपर्क वैद्यकिय अधिकारी व जिल्हयातील सर्व तालुका आरोग्य अधिकारी याच्या उपस्थित पुढील उपाययोजना व कारवाई बाबत सविस्तर चर्चा झाली.

महाराष्ट्र राज्यात एक लाख जिवंत जन्मामागे 68 मातांचा मृत्यू होतो. सन 2020 पर्यंत माता मृत्यू दर 60 पर्यंत खाली आणणेचे उदिष्ट आहे.  कोल्हापूर जिल्हयात सन 2017-18 मध्ये एकुण 29 गरोदर मातांचा मृत्यू झालेला आहे.  त्यापैकी 08 गरोदर माता हया जिल्हया बाहेरच्या आहेत.   कोल्हापुर जिल्हयाचा मातामृत्यूदर 48 आहे.  सन 2020 पर्यंत गाठायच्या अपेक्षित पातळीपेक्षा कोल्हापूर जिल्हयाचा मातामृत्यूदर खुपच कमी आहे.

महाराष्ट्र राज्याचा अर्भक मृत्यू दर हजार जिवंत जन्मामागे 19 इतका असताना कोल्हापूर जिल्हाचा बाल मृत्यू दर 15 इतका आहे. सन 2017-18 मध्ये कोल्हापूर मधील ग्रामीण भागात एकुण 124 बाल मृत्यू झाले आहेत. सन 2016-17 मध्ये एकुण 158 बालमृत्यू झाले होते.

माता व बाल मृत्यू प्रमाण कमी करणेसाठी कोल्हापूर जिल्हयामध्ये नियमित प्रत्येक माता व बाल मृत्यूचा आढावा मा.मुख्य कार्यकारी अधिकारी व मा.जिल्हाशल्यचिकित्सक यांच्या अध्यक्षतेखालील समिती मध्ये घेतला जातो व भविष्यात माता व बाल मृत्यू टाळणेसाठी सुधारणा सुचित केल्या जातात.  यामध्ये माता व बालमृत्यूचे वयानुसार जन्म व मृत्यू ठिकाण नुसार व माता व बालमृत्यूच्या कारणानुसार आढावा घेऊन सविस्तर चर्चा केली जाते.  या अनुषंगाने सन 2017-18 ची वार्षीक माता व बालमृत्यू बैठक मा.मुख्य कार्यकारी अधिकारी यांच्या अध्यक्षतेखाली घेणेत आली.  सन 2018-19 मध्ये माता व बालमृत्यू प्रमाण कमी होणेसाठी पुढील प्रमाणे निर्देश देणेत आले.

  • प्रत्येक गरोदर मातेच्या सोनोग्राफी सहित आवश्यक सर्व तपासण्या शासकिय आरोग्य संस्थेमार्फत करणे व त्यामधुन निदान झालेल्या अतिजोखमीच्या गरोदर मातांना नियमित पाठपुरावा करुन योग्य आरोग्य संस्थेमध्येच प्रसुती होईल याचे नियोजन.
  • गरोदर मातांची तपासणी व पाठपुरावा वेळेवर होणेसाठी गरोदर मातांना मोबाईल फोन द्वारे दरमहा व्हॉईस संदेश हि जि.प. स्वनिधी योजना या वर्षी कार्यान्वित ठेवणे.
  • आशा स्वंयसेविका व आरोग्य सविका यांच्या आरोग्य सेवाना प्रतिसाद न देणा-या गरोदर मातां व आजारी बालकांच्या पालकांचे वरिष्ठ अधिका-याकडुन मतपरिर्तन करुन योग्य उपचार सुरु ठेवणे.
  • घरी अथवा वाटेत होणा-या प्रसुती / जन्म टाळणेसाठी लवकरात लवकर गरोदर मातेची तपासणी करुन नजीकच्या आरोग्य संस्थेत संदर्भसेवा देणे व यासाठी आरोग्य संस्थेच्या रुग्णवाहिका सुस्थितीत ठेवणे.
  • गरोदर मातेस व बालकास शासकीय वाहण व्यवस्था उपलब्ध होणेसाठी 102 व 108 या टोलफ्री नंबरची जास्तत जास्त प्रसिध्दी करणे.
  • दुर्गम भागातील व अतिजोखमीच्या गरोदर मातांना प्रसुती पुर्वी योग्य ठिकाणी स्थंलातरीत करणे यासाठी पाहुणी रुग्ण्यालयाची ही योजना कार्यान्वित करणे.
  • आरोग्य संस्था स्तरावरील दरमहा 9 तारखेला प्रधानमंत्री सुरक्षित मातृत्व अभियान अंतर्गत सर्व माताची स्त्रीरोग तज्ञामार्फत तपासणी करुन घेणे व प्रा.आ.केंद्र व उपकेंद्र स्तरावर सर्व गरोदर मातांची नियमित तपासणी करणे.
  • नवजात अर्भकाची काळजी घ्ज्ञेसाठी सर्व आरोग्य संस्थेच्या ठिकाणी उपकंेद्र प्रा.आ.केंद्र New Born Care Corner ची स्थापना करणेत यावी.
  • जन्मजात व्यंग मुळे होणारे बाल मृत्यू टाळणेसाठी गरोदरपणाच्या 16 ते 20 आठवडयादरम्यान अतिजोखमीच्या गरोदर मातांच्या गर्भाची व्यंग तपासणी करुन घ्यावी यासाठी जिल्हयातील रिडेओलॉजीस्ट संघटनेशी मा.मुख्य कार्यकारी अधिकारी यांच्या मार्गदर्शनाखाली सुधारित पध्दतीने समजुतीचा करारनामा MOU करणेत येऊन त्यासाठी सर्व आरोग्य संस्थानां मार्गदर्शनपर परिपत्रक देणेत येणार आहे.
  • स्त्री जातीचा आचानक बाल मृत्यू घरी झालेस त्याची एमएलसी पोलिस केस करुन शवविच्छेदन करुन घेणे.

 

अ.न. माता मृत्युची प्रमुख कारणे उपाययोजना
1 गरोदरपणातील उच्चरक्तदाब, हदयरोग व गभजन्य विषबाधा (Eclampsia) गरोदरपणाची 12 आठवडयाच्या आत नोंदणी व स्त्रीरोग तज्ञाच्या मार्गदर्शनाखाली नियमित उपचार
2 जंतुदोष  (Septicemia) संस्थेत प्रसुती, आरोग्य शिक्षण व वैयक्तीक स्वच्छता
3 प्रसुतीपश्चात अति रक्तश्राव (PPH) गरोदर पणातील योग्य व समतोल आहार
गरोदरपणामध्ये रक्तवाढीच्या गोळयाचे नियमित सेवण
4 असुरक्षित गर्भपात तज्ञ डॉक्टरांच्या सल्याने गर्भपात

 

अ.न. बाल मृत्युची प्रमुख कारणे उपाययोजना
1 कमी वजनाचे कमी दिवसाचे जन्म गरोदरपणात वैद्यकिय सल्यांनुसार योग्य काळजी
2 जन्मत बाळ गुदरमणे आरोग्य संस्थेत प्रशिक्षीत व्यक्ती कडुन प्रसुती, मातेचे आरोग्य शिक्षण
3 बाळाचे जन्माजात व्यंग गरोदरपणाच्या 16 ते 20 आठवडया दरम्यान गर्भाचे Anamoly Scan Sonogrphy करुन घेणे.

कोल्हापूर जिल्हयात माता मृत्युव बाल मृत्यु प्रमाणा सातत्याने घट होणेसाठी मा.मुख्य कार्यकारी अधिकारी डॉ.कुणाल खेमणार यांनी आपल्या अध्यक्षतेखाली समिती च्या सभेमध्ये नियमितपणे आढावा घेऊन मृत्यूच्या कारणानुसार उपाययोजना सुचित करुन आरोग्य यंत्रणेला मागदर्शन करुन सुचनांचा पाठपुरावा करुन घेतला आहे.

 

जिल्हा आरोग्य अधिकारी,

जिल्हा परिषद कोल्हापूर

महात्मा बसवेश्वर यांची  जयंती जिल्हा परिषदेमध्ये साजरी केले बाबत.

महात्मा बसवेश्वर यांची जयंती दिनांक 18 एप्रिल  2018 इ.रोजी   जिल्हा परिषदमध्ये  सकाळी 11.00 वाजता साजरी करणेत आली. याप्रसंगी सौ.  वर्षा परिट,लेखा व वित्त अधिकारी     (शिक्षण विभाग ) व श्री.सुधाकर कांबळे, कनिष्ठ सहा लेखा वित्त विभाग  यंाचे हस्ते महात्मा बसवेश्वर यंाच्या प्रतिमेचे पुजन  करणेत आले . त्याप्रसंगी मा. इंद्रजित देशमुख अतिरिक्त मुख्य कार्यकारी अधिकारी , श्री. हरिशचंद्र जगताप प्रकल्प संचालक, श्री.संजय राजमाने, मुख्य लेखा व वित्त अधिकारी, श्री. तुषार बुरूड  कार्यकारी अभियंता बांधकाम , श्री. चंद्रकांत सुर्यंवंशी  कृषि अधिकारी, एच.एस.शिंदे पशुसवंर्धन अधिकारी इ.  उपस्थित होते. सदर कार्यक्रमामध्ये महात्मा बसवेश्वर  यांची माहिती श्री. बी.पी. माळवे  यंानी सांगितलीे. त्याप्रस्ंागी  जिल्हा परिषदेतील संघटना पदाधिकारी व अधिक्षक, कक्षअधिकारी , कर्मचारी  मोठया संख्येने उपस्थित होते.

 

 उपमुख्य कार्यकारी अधिकारी (सा.प्र. )

                जिल्हा परिषद कोल्हापूर

शिक्षण विभाग (प्राथ.), जिल्हा परिषद कोल्हापूर जिल्हा परिषद प्रज्ञाशोध निकाल परीक्षा जाहिर सन 2017-18

 

जिल्हा परिषद कोल्हापूर अंतर्गत जि.प.स्वनिधीमधून प्रज्ञाशोध परीक्षेचे आयोजन केले होते. या परीक्षेमध्ये राधानगरी तालुक्याने वर्चस्व संपादन करुन जिल्हा यादीमध्ये प्रथम स्थान मिळविलेले आहे. मराठी माध्यमामध्ये राधानगरीची विद्यार्थिनी कु.प्रतिक्षा यादव इ.7 वी मध्ये प्रथम तर भुदरगडचा विद्यार्थी कु.शिवतेज खोपडे इ.4 थी मध्ये प्रथम आला आहे. तसेच उर्दू माध्यममध्ये इ.7 वी मध्ये कागल तालुक्यातील मान्नोली अश्फाक तर इ.4 थी मध्ये हातकणंगले तालुक्यातील गडकरी जेबा हे विद्यार्थी प्रथम आले आहेत. जिल्हास्तरीय अनु. प्रथम तीन विद्यार्थ्यांना रक्कम रु.5,000/-, 3000/-, 2,000/- बक्षीस, चषक व प्रमाणपत्र देणेत येवून त्यांचा गौरव करणेत येणार आहे. मार्गदर्शक शिक्षकांना पदक व प्रमाणपत्र प्रदान करणेत येणार आहे.

जिल्हा परिषद कोल्हापूर अंतर्गत जि.प.स्वनिधीमार्फत दरवर्षी मुलांच्या अंगी स्पर्धात्मक वृत्ती निर्माण होण्यासाठी तसेच इ. 5 वी इ. 8  वी च्या परीक्षा परिषदेच्या शिष्यवृत्ती परीक्षेची पूर्वतयारी म्हणून प्रज्ञाशोध परीक्षेचे आयोजन केले जाते. इ.4 थी व इ.7 वी मध्ये शिकणाऱ्या मराठी व उर्दू माध्यमातील मुलांच्यासाठी ही परीक्षा आयोजित केली होती. चाळणी परीक्षा व निवड परीक्षा अशा दोन टप्प्यांमध्ये परीक्षेचे आयोजन करणेत आलेले होते. परीक्षा परिषदेच्या निकषांनुसार भाग 2 मधील गुण (इंग्रजी व बुद्धिमत्ता) व जन्मतारीख हे निकष वापरुन जिल्ह्यातील प्रथम तीन व तालुक्यातील प्रथम दहा विद्यार्थ्यांची निवड करणेत आलेली आहे. ही स्पर्धा यशस्वीपणे पार पडणेकामी मा.जि.प.अध्यक्षा सौ.शोमिका महाडिक, उपाध्यक्ष मा.सर्जेराव पाटील, मुख्य कार्यकारी अधिकारी मा.डॉ.कुणाल खेमनार, शिक्षण सभापती मा.अंबरिषसिंह घाटगे व इतर जि.प.सदस्य यांचे योगदान लाभले आहे.

 

(श्री.सुभाष चौगुले)

शिक्षणाधिकारी (प्राथ.),

जिल्हा परिषद कोल्हापूर

RTE अंतर्गत २५ % विद्यार्थी ऑनलाईन प्रवेश प्रक्रिया सन 2018-19 – दुसरी फेरी

बालकांचा मोफत व सक्तीच्या शिक्षणाचा हक्क अधिनियम 2009 अन्वये (वंचित गटातील बालकांना व दुर्बल घटकातील बालकांना प्राथमिक शिक्षणासाठी प्रवेश देणेसाठी जागा राखून ठेवण्याची रीत) नियम 2012 प्रमाणे अल्पसंख्यांक शाळा वगळता, राज्यातील सर्व विनाअनुदानित, कायम विनाअनुदानित व स्वयंअर्थसहाय्यता तत्त्वावरील प्राथमिक शाळांना सन 2012-13 या शैक्षणिक वर्षापासून शाळेच्या पहिलीच्या वर्गाच्या एकूण विद्यार्थी संख्येपैकी 25 % पर्यंतच्या जागा नजीकच्या परिसरातील वंचित गटाच्या व दुर्बल घटकांतील बालकांच्या प्रवेशासाठी राखून ठेवणे व अशा बालकांना त्यांचे प्राथमिक शिक्षण पूर्ण होईपर्यंत मोफत व सक्तीचे शिक्षण पुरविणे बंधनकारक आहे. त्यानुसार सन 2018-19 या शैक्षणिक वर्षामधील 25 % आरक्षण प्रवेश प्रक्रिया महाराष्ट्र शासनाच्या student.maharashtra.gov.in या लिंकवरील RTE Portal वर ऑनलाईन पध्दतीने राबविणेत येत आहे.

सदर प्रक्रियेअंतर्गत कोल्हापूर जिल्ह्यामध्ये एकूण 2880 ऑनलाईन अर्ज प्राप्त झाले आहेत. त्यापैकी विद्यार्थी प्रवेशाच्या पहिल्या फेरीसाठी एकूण 599 पात्र विद्यार्थ्यांना प्रवेश घेणेसाठी SMS ऑनलाईन प्रणालीद्वारे पाठविणेत आले होते. दि. 13/04/2018 इ. रोजी पहिली फेरी समाप्त झालेली असून पहिल्या फेरीअंती एकूण 448 विद्यार्थ्यांनी शाळेत प्रवेश घेतलेला आहे. 118 विद्यार्थी अपात्र ठरले असून 33 विद्यार्थ्यांनी शाळेत प्रवेश घेतलेला नाही.

दि. 18/04/2018 इ. रोजी विद्यार्थी प्रवेशाची दुसरी फेरी सुरू होणार असून ऑनलाईन प्रणालीद्वारे पात्र विद्यार्थ्यांची यादी निश्चित होऊन RTE च्या लिंकवर अपलोड करणेत येणार आहे. सदर यादीतील विद्यार्थ्यांना प्रवेश घेणेसाठी शाळेच्या नावासह SMS ऑनलाईन प्रणालीद्वारे परस्पर पाठविले जातील. SMS प्राप्त झालेल्या पालकांनी दि. 20/04/2018 ते दि. 10/05/2018 या कालावधीत संबंधित शाळेत मूळ कागदपत्रांसह जाऊन पाल्याचा प्रवेश निश्चित करावयाचा आहे. दुस-या फेरीतील विद्यार्थी प्रवेशासाठी अंतिम तारीख 10/05/2018 आहे. तरी दिलेल्या मुदतीत पालकांनी संबंधित शाळेत मूळ कागदपत्रांसह जाऊन आपल्या पाल्याचा प्रवेश निश्चित करावा असे आवाहन प्राथमिक शिक्षणाधिकारी श्री. सुभाष चौगुले यांनी केले आहे.

 

(श्री. सुभाष रा. चौगुले)

                                                                                      शिक्षणाधिकारी (प्राथमिक)

                                                                                      जिल्हा परिषद कोल्हापूर

भारतरत्न डॉ.बाबासाहेब आंबेडकर  यांची 127 वी जयंती साजरी.

कोल्हापूर जिल्हा परिषदेमध्ये भारतरत्न डॉ.बाबासाहेब आंबेडकर  यांची 127 वी जयंती दिनांक 14/04/2018 इ.रोजी सकाळी 11.00 वाजता संपन्न झाली. डॉ.बाबासाहेब आंबेडकर यांच्या प्रतिमेचे पुजन श्री.महावीर सोळांकुरे, सहा.लेखा अधिकारी (वित्त विभाग) व सौ. प्रतिमा पाटील,कनिष्ठ सहाय्यक (ग्रापापु विभाग)  यांच्या हस्ते करणेत आले. या प्रसंगी  जिल्हा परिषद  अध्यक्ष मा. सौ. शौमिका महाडीक यांनी डॉ.बाबासाहेब आंबेडकर  यांच्या विचारांचे आचारण प्रत्येकांने करणे गरजेचे आहे हे पटवुन दिले.  मा. मुख्य कार्यकारी अधिकारी डॉ. कुणाल खेमनार यांनी डॉ.बाबासाहेब आंबेडकर यांची विद्यार्थी जीवनाविषयी माहिती व त्यांनी मिळवलेल्या पदव्याबाबत माहिती दिली.  मा.श्री.नामदेव कांबळे, महासचिव कास्ट्राईब संघटना यांनी जयंतीचे औचित्य साधुन संविधानाचे महत्व सांगितले.

या प्रसंगी मा.श्री. विशांत महापूरे,सभापती समाजकल्याण समिती, उप मुख्य कार्यकारी अधिकारी श्री.राजेंद्र भालेराव, मुख्य लेखा व वित्त अधिकारी श्री. संजय राजमाने, उपमुख्य कार्यकारी अधिकारी (पावस्व) श्रीम.सुषमा देसाई, उप मुख्य कार्यकारी अधिकारी (बाक), श्री.सोमनाथ रसाळ, कार्यकारी अभियंता (बांधकाम) श्री.तुषार बुरुड, जिल्हा समाजकल्याण अधिकारी श्री.चंद्रकांत सूर्यवंशी, पशुसंवर्धन अधिकारी श्री.एस.एच.शिंदे, शिक्षणाधिकारी(माध्यमिक) श्री.किरण लोहार मा.श्री.प्रकाश टोणपे यांच्यासह व सर्व विभागाचे खातेप्रमुख उपस्थित होते.

यावेळी श्री.बी.पी.माळवे यांनी डॉ.बाबासाहेब आंबेडकर यांची माहिती व सुत्र संचलन केले. यावेळी मोठया संख्येने अधिकारी व कर्मचारी उपस्थित होते.

कृपया वरील बातमी आपल्या लोकप्रिय दैनिकात प्रसिध्द करणेकामी कार्यवाही करणेत यावी, ही विनंती.

 

उप मुख्य कार्यकारी अधिकारी (साप्रवि)

                                                                          जिल्हा परिषद, कोल्हापूर

आयुष्यमान भारत योजने अंतर्गत नागरिकांना सुरक्षा कवच

केद्र सरकारच्या महात्वकांक्षी योजना आयुष्यमान भारत  या योजने अंतर्गत  राष्ट्रीय आरोग्य सुरक्षा अभियान राबविण्यात येणार आहे. त्या अंतर्गत आयुष्यमान भारत दिवस ग्रामीण लाभार्थी पडताळणी , अतिरिक्त माहिती संकलन  मोहिम  15 एप्रिल 2018 ते 21 मे 2018  रोजी राबविण्यात येणार आहे असे मा. डॉ. कुणाल खेमनार, मुख्य कार्यकारी अधिकारी . जि.प. कोल्हापूर यांनी  गटविकास अधिकारी,  तालुका आरोग्य अधिकारी,  यांच्या आढावा सभेमध्ये मार्गदर्शन करतांना सांगितले. या अभियानसाठी 30 एप्रिल 2018 रोजी ग्राम सभेचे आयोजन करण्यात येणार आहे. ग्रामसभेमध्ये ग्रामसेवक, आरोग्य सेवक/ आशा यांच्या  सहकार्याने अतिरिक्त माहिती छापील नमुन्यात गोळा करण्यात येणार आहे. ग्रामसभेमध्ये, 1)  कुटुंब प्रमुखाची माहिती फार्म मध्ये लिहली जाईल 2) कुटुंब प्रमुखाची माहिती उपलब्ध नसल्यास इतर सदस्यांची माहिती नोंदवावी. 3) तसेच  कुटुंबात अतिरिक्त व्यक्तिची माहिती भरणे, नांवे वगळणे इ. माहिती संकलित करण्यात येणार आहे. आढावा सभेसाठी मा. राजेंद्र भालेराव, उपमुख्य कार्यकारी अधिकारी, ग्रामपंचायत उपस्थित होते सर्व लाभार्थ्यांची नोंदणी करावी असे सांगितले. तसेच जिल्हा स्तरावर जिल्हाधिकारी/जिल्हा आरोग्य अधिकारी उपमुख्य कार्यकारी अधिकारी (पंचायत) जिल्हा परीषद तसेच तालुका स्तरावर गट विकास अधिकारी,पंचायत समिती तालुका आरोग्य अधिकारी यांच्य मार्गदर्शनाखाली हि मोहिम राबविण्यात येणार आहे.

डॉ. सुहास कोरे, प्र. अतिरिक्त जिल्हा आरोग्य अधिकारी, बोलतांना सांगितले की,  या योजने अंतर्गत दारिद्र रेषेखालील कुटुंबांना प्रति कुटंुब प्रति वर्ष 5 लाख पर्यत मान्यता प्राप्त रुग्णालयातून शस्त्रक्रिया उपचाराच्या माध्यतून विमा सरक्षंण मिळणार आहे.  देशात 10 कोटीहुन अधिक गरीब दुर्बल घटक, राज्यात 83.63 लक्ष लाभार्थी कुटंुबे, वंचित घटक लाभार्थी आहेत. लाभार्थी देशभरात कोणत्यांही मान्यता प्राप्त रुग्णालयात लाभ घेवू शकतात. या योजनेसाठी  माहिती, शिक्षण संवाद ही महत्वपूर्ण बाब आहे असे नमुद केले.