जिल्हा परिषद, कोल्हापूर मार्फत जिल्हा परिषद व पंचायत समिती सदस्य यांना दिला जाणारा राजर्षि छत्रपती शाहू पुरस्कार वितरण समारंभ सोहळा संपन्न

जिल्हा परिषद, कोल्हापूर मार्फत जिल्हा परिषद व पंचायत समिती सदस्य यांना दिला जाणारा राजर्षि छत्रपती शाहू पुरस्कार वितरण समारंभ सोहळा संपन्न

राजर्षि छत्रपती शाहू महाराजांच्या सामाजिक कार्याचा आदर्श समोर ठेवून ग्रामीण भागाच्या सर्वांगिण विकासासाठी व गोरगरिब यांच्या उन्नतीसाठी जिल्हा परिषद विविध योजना राबवित असते. जिल्हा परिषद सदस्य/पंचायत समिती सदस्य आपल्या मतदारांच्या विकासासाठी सातत्याने प्रयत्नशील असतात. निरनिराळया योजना जास्तीत-जास्त आपल्या मतदार संघामध्ये राबविण्याचा त्यांचा प्रयत्न असतो. त्याचप्रमाणे आपल्या मतदार संघातील विकास कामाबरोबरच ग्राम पातळीवरुन ते जिल्हा पातळीपर्यंत सहकार, शैक्षणिक, सामाजिक व सांस्कृतिक अशा विविध क्षेत्रामध्ये काम करीत असतात.

कोल्हापूर जिल्हा परिषदे मार्फत सन 2000 पासून जिल्हा परिषद सदस्य, पंचायत समिती सदस्य व जिल्हा परिषद कर्मचारी यांना दरवर्षी राजर्षि छत्रपती शाहू पुरस्कार प्रदान केले जातात. जिल्हा परिषद व पंचायत समिती सदस्यांसाठी सहकार, सामाजिक, शैक्षणिक व सांस्कृतिक क्षेत्रामध्ये केलेल्या योगदानाचा विचार करुन पुरस्कारसाठी निवड केली जाते. दरवर्षी राजर्षि छत्रपती शाहू जयंतीच्या निमित्ताने पुरस्कारासाठी निवड करणेत आलेल्या सन 2014, 2015 व 2016 मधील असे एकुण 15 जि.प. व पं.स.सदस्य यांना सपत्नीक जिल्हा परिषदेचे मानचिन्ह, प्रशस्तीपत्रक व राजर्षि शाहू छत्रपती यांचे आठवणी म्हणून  पुस्तक, व  शाल श्रीफळ देऊन सन्मानित करणेत आले आहे.

पुरस्कार प्राप्त जिल्हा परिषद व पंचायत समिती सदस्य यादी

तसेच जिल्हा परिषदेकडील नवीन उपाहारगृहाचे, जि.प. कडील अधिकारी यांनी दैनदिनी लिहिणे सुलभ व्हावे व रोजच्या रोज लिहीली जावी यासाठी  जि.प. डायरी ॲप हे नवीन ॲप्लिकेशन  तसेच जि.प. संकेतस्थळाचे उद्घाटन मा. एस. चोक्कलिंगम्, विभागीय आयुक्त पुणे विभाग पुणे यांचे शुभहस्ते व मा. सौ विमल पुंडलिक पाटील,अध्यक्ष जि.प.कोल्हापूर यांचे अध्यक्षते खाली पार पडला असून सदर कार्यक्रमासाठी प्रमुख पाहुणे म्हणून मा डॉ अमित सैनी, जिल्हाधिकारी हे उपस्थित होते. पुरस्कार प्राप्त झालेनंतर सौ स्मिता गवळी, सभापती पं.स. करवीर, सौ. भाग्यश्री भारत पाटील, श्री.अरुण इंगवले, सौ.मेघाराणी जाधव, सौ. शैलजा पाटील, तसेच श्री विकास कांबळे जि.प.सदस्य व शशिकांत खेात उपाध्यक्ष यांनी मनोगते व्यक्त केली. यानंतर मा चंद्रकांत वाघमारे, उप मुख्य कार्यकारी अधिकारी (साप्र) यांनी सर्वाचे आभार मानले.

मा श्री शशिकांत खोत, उपाध्यक्ष, जि.प.कोल्हापूर, सर्व विषय समिती सभापती तसेच, मा. डॉ. कुणाल खेमनार मुख्य कार्यकारी अधिकारी, व  श्री चंद्रकांत वाघमारे, उप मुख्य कार्यकारी अधिकारी (साप्र), श्री एम.एस.घुले, उप मुख्य कार्यकारी अधिकारी (ग्राप), श्री तुषार बुरुड कार्यकारी अभियंता (बांधकाम) व सर्व खाते प्रमुख उपस्थित होते. संपूर्ण कार्यक्रमाचे सूत्रसंचलन श्रीम सविता रविंद्र कुंभार,अध्यापीका व प्रा. पवण पाटील यांनी केले.